بعد ما عملت بوست بأغنية مصريه تونسية أفاجأ بالي حصل من شوية عيال أقل ما يقال عنهم إنهم بلطجية بيعمل المنظر المؤسف إلي شفناه بعد ماتش الزمالك المصري و الأفريقي التونسي ..
إعتذار واجب للتوانسه رغم إني مكنتش في الاستاد لكن واجبنا الأدبي إن نعتذر من إخوتنا التوانسة ، حقكواعلينا متزعلش مننا عشان شوية بلطجية ... إحنا اسفين بجد.
المصريين على الفيسبوك عملو صفحة إعتذار للتونسيه وصل عدد المشتركين فيها في خلال ٦ ساعات ٣٥،٠٠٠ مشترك و رئيس الوزراء المحترم عصام شرف أعلن إعتذار رسمي لشعب تونس و حكومته و لاعبيه و إعتذر للجزائر لأن الحكم كان جزائري .. وزير الخارجية نبيل العربي قدم إعتذار رسمي أيضا لوزير الخارجية التونسي و حتى السفير المصري في تونس إعتذر للتوانسه على ما حدث.
عتابي الواحد على التوانسة إنهم بدءوا يشتموا مصر و المصريين حتى في صفحة الاعتذار، لكن أنا هعذرهم و أعتبر ده انفعال لحظي، إحنا منسيناش الواجب إلي عملتوه مع المصريين اللاجئين من ليبيا و إحنا بطبعنا شعب بيفتكر الجمل و بيفضل شايله لصاحبه مهما طال الزمن.. لكن بحكم غيرتي على بلدي وجب العتاب ده ..
بعد كدة أنا مش عايز أوقف الدوري أنا عايز ألغي الكرة أصلا من مصر ٥ ولا ٦ سنين كدة .. كفاية توهان و هيافه و تعصب على كلام فارغ ملوش لزمة .. التوانسة كانو من أهم أسباب ثورتنا و مستحيل أحمل نحيتهم أي ضغينة
ده فيديو إعتذار عصام شرف رئيس وزراء مصر و إلي قاعد ده وزير الخارجية المصري نبيل العربي ..
التعليقات مفتوحة للي عايز تونسي أو مصري أو أيا كنت
ليست هناك تعليقات:
إرسال تعليق