بعض الحاجات العشوائية لي ملهاش علاقة ببعض إلي جت في دماغي ..
١ - يخطئ الرجل حين يظن إن بعد الزواج مراته هتقوله "هات" بس.. فكثيرا ما ستقول له "خد" و الحدق يفهم
٢ - "الجريدة" الكويتية تنشر حوار مع الأديب المصري محمد سلماوي عن رواية أجنحة الفراشة و ثورة ٢٥ يناير .. أول رد فعل لصاحبي إلي بيقرا الخبر "أجنحة الفراشة" .. إيه الإسم ألسيس ده؟
٣ - أتوقع موضوع تعبير العربي في إمتحانات ثانوية عامة عن ثورة ٢٥ يناير
٤ - المفروض الناس تبطل تسمي تامر .. تعددت الأمثلة .. من تامر حسني لتامر بتاع غمره يا قلبي لا تحزن
٥ - عصام شرف أول رئيس وزراء في تاريخ مصر يخاطب شعبه و يكلم معاهم في هو عمل إيه و بيعمل إيه و ناوي يعمل إيه ..
٦ - مذيع في برنامج على الفضائية المصرية قبل ماتش مصر و جنوب أفريقيا يوم ٢٦/٣/٢٠١١ : جماهير مصر أول مرة تشوف المنتخب بعد ثورة يوليو!!! العلم نور برضو! ناس تعل
٧ - العواصف الترابية أوسخ من الأعاصير و ديه بذات عن تجربة حقيقية
٨ - ثورة ثورة حتي النصر .... يلا يا سوريا انضمي لمصر
٩ - في حوار فتحي سرور مع المصري اليوم جرى هذا الحديث: سؤال:كيف نجح محمد عبدالعال فى إمبابة؟ سرور: «بصراحة معرفش.. أنا استعجبت لما شفت اسمه.. ده بتاع مين ده أنا معرفش» و رد الفعل الطبيعي بعد قراءة هذا التصريح العظيم: هاهاهاهاهاهاهاهاهاهاهاهاهاهاهاها
١٠ - نفس إلحوار بتاع المصري اليوم مع فتحي سرور ينفع سكريبت فيلم كوميدي جامد فشخ
١١ - هاهاها شفيق هيبدأ حملته في نادي الجولف؟ هو هيرشح نفسو لرياسة مارينا؟
ليست هناك تعليقات:
إرسال تعليق